Humanitar fənlər

    Fəlsəfə dünyanın dərk edilməsinin xüsusi forması olub varlığın ümumi problemlərinə baxışlar sistemidir. İctimai şüurun forması olan fəlsəfə üstqrum hadisəsi kimi dünyagörüşünü ifadə edir. Fəlsəfə idrakı funksiyanı həyata keçirərək özünün tarixi inkişafı nəticəsində müstəqil elm sahəsinə çevrilmiş, bəşəriyyətin ümumi mənəvi inkişafında mühüm rol oynamışdı.

Tarixi inkişafının müasir dönüş xarakterli keçid dövründə, ölkəmizin müstəqillik qazanıb siyasi, iqtisadi və sosial quruculuğa başladığı şəraitdə də gerçəkliyin fəlsəfi mənimsənilməsinə ciddi təlabat meydana çıxmışdı. Nəzəri, metodoloji dünyagörüşü və praktik baxımdan fəlsəfəyə, onun tədrisi və tətbiqi məsələlərinə zəruri bir ehtiyac yaranmışdır. Çünki qarşıda duran çox mürekkəb sosial-iqtisadi, siyasi, mənəvi, ekaloji və s. vəzifələrin mahiyyətini dərin fəlsəfi-idraki mövqedən dərk edib qiymətləndirmədən həmin vəzifələrin həyata keçrilməsi uğrunda fəal mübarizə aparmaq da mümkün deyildir.

Dünyanın mədəni xalqları içərisində öz qədimliyi ilə seçilən Azərbaycan xalqı çox zəngin tarixə malikdir. Tarix hər bir xalqın, o cümlədən Azərbaycan xalqının da milli özünüdərkinin əsas sütunlarından birini təşkil edir. Tarix bəşəriyyətin, o cümlədən ayrı-ayrı xalqların həyatında qədim zamanlardan bu günə qədər baş vermiş ən mühüm hadisələri öyrənən elm hesab olunur.

     Sosial müdafiə — insanın fəaliyyətinə minimum təminatı təmin edilməsi üçün cəmiyyət və onun müxtəlif strukturları tərəfindən həyata keçirilən tədbirlər sistemi.Dövlət Sosial Müdafiə Fondu məcburi dövlət sosial sığortası və könüllü  sosial sığorta, əhalinin əmək pensiyaları, sosial müavinətlər, ünvanlı dövlət sosial yardımı ilə, təqaüd və kompensasiyalarla, habelə Azərbaycan Respublikasının qanunları, Azərbaycan Respublikası Prezidentinin və Azərbaycan Respublikası Nazirlər Kabinetinin aktları ilə nəzərdə tutulmuş digər ödənişlərlə təmin edilməsi sahəsində  fəaliyyət göstərən publik hüquqi şəxsdir. Fond Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində fəaliyyət göstərir. Hər bir inkişaf etmiş dövlətdə bazar münasibətlərinin inkişafı, iqtisadi sərbəstlik, azad sahibkarlıq və özəl mülkiyyətçilik şəraitində sosial hüquqların təminatı xüsusi aktuallıq kəsb edir. Vətəndaşların sosial və iqtisadi təminat hüquqlarının reallaşdırılması demokratik inkişaf yolu tutmuş bütün dövlətlər üçün mühüm vəzifələrdən sayılır.